اسليدرمقالات واراءمنوعات ومجتمع

وجهة نظر ” المواهب مختلفه “

احجز مساحتك الاعلانية

رؤية كابتن : محمد بلال لاعب كرة سابق

الناس اللي عماله تهاجم احمد فتحي علشان ساب الاهلي وراح بيرامدز علشان دفعو له اكتر ..
أولا .لو احمد فتحي كان أتصاب أو مستواه نزل كان الاهلي هيبقي عليه

كان من الأولي أن يبقي على ربيع يسين ومحمود صالح وطاهرابو زيد وعلاء ميهوب …الاهلي او غير الأهلي لا يبقى علي احد. وفي الكوره الان كل لاعب او نادي يبحث عن مصلحته بالحلال .

أما بالنسبه للناس اللي بتقول فين الانتماء .
وهو كان فين الانتماء لما رفعت الفناجيلي نجم الخمسينات و الستينات في الاهلي واللي كان من ضمن أسباب شعبية الأهلي الجارف وفي أواخر أيامه تعرض لأزمة كبيرة بعد أن خد محافظ دمياط كشك في راس البر كان خاص بالفناحيلي الذي صرخ عدة مرات قائلا أأكل عيالي منين كان الاهلي وقف جنبه ..

اللاعب راس ماله رجله وشبابه ولما بيبطل خلاص شكرا فلازم يعمل فلوس يعيش بيها هو واسرته .ولا لازم اللعيب لما يبطل يكون شحات ومتسول…

مصر فيها خمسه مليون مدرس وخمسه مليون محامي وخمسه مليون محاسب وكل مهنه فيها خمسه مليون بيشتغلو بيها ..

أحسن خمس الاف تاجر خضار وفاكهه في مصر مليونيرات وأحسن خمسمائه ألف مدرس في مصر مليونيرات وأحسن خمس الاف طبيب في مصر مليونيرات

وهكذا..فأحسن حد في أي حاجه مليونير حتي لو بيبيع لب وفول سوداني
بعض الناس اللي بتهاجم فتحي ممكن تبيع ضميرها بعلبتين سجاير كيلو باتراويشهدو زور كمان لو زودت عليهم ساندوتشين لانشون.

وقريت تعليقات تقولك هو اللعيب بياخد الفلوس دي كلها ليه وبيقارنو دخل لاعب الكوره بالمهن التانيه …

هو الوضع ده في مصر بس ولا في كل دول العالم .

وبعدين هو لعيب الكوره اللي مانع المهن التانيه انها متاخدش بالملايين …وبعدين مصر 100مليون ..صح

فيها كام واحد بيلعب في الاهلي والزمالك او في الدوري الممتاز ..يعني مصر كلها فيها كام واحد محمد صلاح .

يعني وانت طالب في المدرسه .كام واحد كان زميلك شوفته بيلعب في الدوري الممتاز أو منتخب مصر.مع أنك زاملت ألوف طول حياتك الدراسيه .

طيب شوفت كام محاسب مئات شوفت كام محامي مئات شوفت كام مدرس وهكذا
ولكن في كل دول العالم المواهب والقدرات الخاصه تقدر بالملايين ..

لأن ممكن أي لاعب كان يشتغل مهنه من دول ولكن مش أي حد من المهن دي يقدر يبقي أحمد فتحي …

يعني مثلا أنا ممكن أقدر أكون موظف وأمضي حضور وإنصراف وأكل سندوتش الفول وأقرا الجرايد وأبقي كده أشتغلت وأشتكي من قلة المرتب وأعمل وقفه إحتجاجيه من أجل زيادة الحوافز .

وغيره وغيره ولكن أقدر أكون محمد صلاح ..فالمواهب تقدر بالملايين في كل دول العالم وفي كل العصور ..

رئيس التحرير

المشرف العام على موقع العالم الحر

مقالات ذات صلة

اترك رد

زر الذهاب إلى الأعلى